العادات والتقاليد (4)

[color=blue]

ومبهدل حالو
يااامووو : ماخوذة من يا امي اي يا ماما مصطلح للتحبب من الاطفال
مبلق : صافن صفن في الشيء اي نظر اليه بتمعن مع شرود ذهني
بلق : بفتح القاف اي نظر وادام النظر بالشيء
كروم : كلمة قديمة تقال للرجل اذا اتسخ شاربه من اثر الاكل فيتم تنبيهه بكلمة كروم بمعنى اكرم شاربيك ونظفهم
انمغلت : اي امتلأت معدتي من كثرة الطعام ويمكن ان تقال اني انمغلت من حديث فلان اي انه تكلم كثيرا واعاد الحديث حتى انمغلت اي راح أنفجر منه ومن سخافتو
انتفخ قلبي : بمعنى اني لم اعد احتمل غلاظتك وثقل دمك حل عني بشان الله
شدوقة : اي لقمة او قطعة خبز كبيرة نسبيا
طلع على لساني شعر : يعني اني مللت من كتر ما نبهتك وانت مثل الهطيل ما عما تسمع شي
مقلفن : اي منزعج مستعد للدخول في اي مشغلة او خناقة مع احد
مأفتن : نفس تعريف مقلفن ويمكن القول للرجل لماذا انت مقلفن ومأفتن للدلاله على شدة غضبه وسرعة ثورته
قلفون : تقال اللرجل الدائم التعصيب وتستخدم اكثر مع الاطفال
جاوير : للرجل الاحول الذي يوجد في عيونه حول
مشقة : اي زيارة المريض السريعة ويفضل تكون مع كم كيلو برتقال او موز
مونّق= يعني بيحكي وبيسولف وبيساير العالم (يا عمي بو فلان ويا خالتي ام علتان)
لبخة = عكس مونق
دردبيسة= صراحة ما بعرف بالزبط بس يمكن بتنقال للي بيطحش طحش بلا وعي
نسيتو كمان كلمة اطمش: اي مسطول
يقطعك: تقال تأففاً ويقال قبلها ممممممممممممممم
يقطع بداركن على هل السوالف شو كيسين ولله مايا وريدا خرطو مشطي وبدي ابعت امي تحشملي على وحده منهن بس لا لاهدول متل خياته وانا قلبي من العجور منجور
بنتاغون أو بنتكون =بنتكور
جوليتي =جيله =القطعة التي نرتديها بدون أكمام
شقدّيني:يعني كم؟؟...قديش؟؟
هلقتيني:الآن...هلق...
حشّم:اي طلب للخطبة
قرد: يعني لعما
لقوف: يعني لقمة كبيرة
بحلّق: يعني طلّع
فنجر عيونو : يعني تطلع باستغراب و اندهاش
انطمز : يعني انزعج و قلب خلقتوا
لا بيهش ولا بينش: يعني موفارق معو دق المي و هي مي
قرباطي: يعني مانو متل هل بشر من الغجر و القرباط
حنتر: يعني انزعج و قلب خلقتو و أخد على خاطرو
النملية: مكان لوضع الأغذي و المونة بشكل خاص
حديجي: يعني حفة عند الباب بيقعدوا عليها النسوان و بيشربوا متة و بيطقوا حنك
تكرفت : أي خرج مسرع طلع بلا وعي أي مزومع
مقرود: يعني ممسوخ
يا دلي: يعني ياويلي و تدل على الإستغراب
يا معودة : يعني بعيد الشر
بخاطركن: يعني باي
مبوزم: يعني ضرب بوز ما عجبو
علاك : يعني لت
مقطمشة =صغيرة
مطوبز=يجلس ومؤخرته مرفوعة
مشقرق =مبسوط
مشرعبة=طويلة
عم يرتع =عم يبحت = عم والله مابعرف كيف بدي فسرها ..فسروها إنتو أمانة
قراقعين : مجموعة أشياء بلا نفع
جلنط = قرع
دريخة =كومة شغلات مو مرتبة
شراطيط = جمع شرط = الخرقة التي تستخدم للمسح
قردف = زت
قبوع = كورنيه ( للبوظة )
ناسوف = هواء بارد جدا
زميتة = برد بدون هواء
يتلقمس = إصدار الصوت اثناء الأكل.....
يدرع = اصدار صوت بعد شرب الكولا.....
يشخر = أصدار وت أثناء النوم.....
يجعر = يتكلم بصوت مرتفع......
شلاح= وليست بمعنى انزع ثيابك اتأتي بمعنى ارمي لي هذا الشي يعني شلاحلي مفاتيحك اي ارمي لي والقي مفاتيحك
طعجه = ثناه
فقس = جن
طرطورة = دراجة نارية بثلاث عجلات
طريزيني = نسخة حديثة من الطرطورة
فقع، طق = اغتاظ
أبو موزة = دلالة على القوى العليا
يفقس = يهزأ
يصطفل = كما يشاء
طنش = لم يلق بالا
طقاطيق = قراقعين = أشياء متنوعة غير ذات أهمية
جنق:يعني زبدية...
زمق:يعني مرّ بسرعة..حتى ما حدا يشوفو
فريرة:يقال ركض متل الفريرة...كناية عن السرعة
خسيلات :مجموعة ملابس بحاجة للغسيل
ضويوي :جمع ضو أي مصباح
ناتور:برد أشد لؤما ً من الزميتة
كفكير:ملعقة من الحجم العائلي
المـَر(بفتح الميم):أداة تشبه الكريك تستعمل لحفر الأرض بضربها بالقدم
الكشو:دقيق الخفان مع بعض الألياف النباتية يستعمل لتلييس التنور من الداخل
يتعشبق عسجرة: يتسلق الشجرة
مضربية:غطاء من القطن يصنع يدويا سميك نوعا ً ما
طراحة :أرق من القييس
لبـِّيط(بتشديد الباء)=فرِّيد(بتشديد الراء)=رفسة بكل معنى الكلمة
نقص:كعتولة ملح بتطلع للويحد وهو عم ياكل
يتشلهب:يبكي تارة ويأخذ نفس تارة أخرى
كنّ هـدا:تقال للطفل إذا كان أشبه بالسعدان
زفـَّاتة(بتشديد الفاء):ريـَّالة توضع للطفل أثناء طعامه ليمارس فن التلغبص على راحتو
دكونة:دكان صغير جدا ً
سفاية= كريك
سفقو الهوى =لطشو أو مرض من الهوى
مسطمة = مسدودة
مبهبط = فاضي
شكيفك = كيفك
مقات = معاد
ربزت= أي نطرت بنفس المكان
شبربوق = مقزوم
حيشات الدكر = بلا تشبيه
ويلاه ويلي ==أوووووه
بالوعة =بلاعة
كتبية = أعتقد تعني مكتبة
كلابية =دشداشة
بكب=بيك أب
مشعوت = متشقق
انبلصت =إنضحك علي
بلابيط =تدل على الغلاظة

» العادات والتقاليد (1)
» العادات والتقاليد (2)
» العادات والتقاليد (3)
» العادات والتقاليد (5)

Salamieh

العادات والتقاليد (4)